NESA yatangajeko igiye gukora Ubugenzuzi rusange bw’amashuri buzibanda ku banyeshuri ndetse n’abarimu.
Madamu/Bwana Umuyobozi w’Akarere (Bose) Madamu/Bwana Umuyobozi Nshingwabikorwa w’Akarere (Bose)
Impamvu: Ubugenzuzi rusange bw’amashuri
Madamu/Bwana Muyobozi,
Nshingiye ku iteka rya Perezida N° 121/01 ryo ku wa 15/10/2020 rishyiraho Ikigo cy’Igihugu gishinzwe Ibizamini n’Ubugenzuzi bw’Amashuri (NESA) mu ngingo yaryo ya 6 igena inshingano za NESA;
Mu rwego rwo gukomeza gufatanya kuzamura ireme ry’uburezi, NESA ifatanyije na MINALOC, MINEDUC hamwe n’ibigo biyishamikiyeho, (REB, RTB, RP) yateguye igikorwa cy’ubugenzuzi rusange bugamije impinduka mu mashuri abanza n’ayisumbuye mirongo ine (40) muri buri Karere, hagamijwe kureba imbogamizi zitandukanye abarimu n’abanyeshuri bahura nazo mu myigire n’imyigishirize, bityo amashuri, abarimu n’abanyeshuri bahabwe inama ndetse hanakorwe ubuvugizi ku nzego zitandukanye hagamijwe guteza imbere ireme ry’imyigire n’imyigishirize.
Ni muri urwo rwego tubandikiye tubamenyesha iki gikorwa kugira ngo muzagire uruhare rutaziguye mu migendekere myiza yacyo ndetse no kwemerera abagenzuzi b’Uburezi mu Mirenge (SEIs) irimo amashuri azagenzurwa, ndetse n’abakozi bo mu Ishami ry’Uburezi aribo: Umuyobozi w’Ishami ry’Uburezi mu Karere n’abakozi bashinzwe uburezi mu Karere (DDE na DEOS), kuzafatanya n’Abagenzuzi b’Uburezi ku rwego rw’Igihugu muri iki gikorwa giteganyijwe kuva tariki 25 Gashyantare kugeza tariki 9 Werurwe 2024.
Ku bindi bisobanuro mwahamagara Bwana Kavutse Augustine Vianney, Umuyobozi w’Ishami rishinzwe Ireme ry’Uburezi muri NESA kuri telefone 0785230769 no kuri email: vkavutse@nesa.gov.rw.
Mugire amahoro.
(Dr. Bernard BAHATI
Umuyobozi Mukuru
