31% by’abayobozi b’amashuri bujuje ibisabwa naho 2.7% ntibari ku rwego rukwiriye. Menya ibigiye kubabaho byose
Hashize igihe kitari gito hategerejwe ibizaturuka mu isuzuma ( Evaluation) abayobozi b’amashuri bakorewe, bitewe n’ikizakurikira ibyarivuyemo. Umurunga wabakusanyirije ibyavuye muri iryo suzuma nk’uko byatangajwe n’Ikigo k’Igihugu Gishinzwe Uburezi bw’Ibanze , REB.
about:blank
Abayobozi b’amashuri basuzumwe ku bufatanye n’Akarere ndetse na Minisiteri y’Uburezi, buri rwego rutanga amanota angana na 50%, bigatanga amanota 100%.
about:blank
Igihe isuzuma ryakorewe
Ku mashuri rusange: kuva ku itariki ya 25/11/2024 kugeza ku ya 20/12/2024
Ku mashuri ya TVET: muri Gicurasi/ Kamena 2025
Abasuzumaga barimo:
.Visi Meya ushinzwe imibereho myiza y’abaturage
.Ishami ry’Uburezi mu Karere
.Umunyamabanga Nshingwabikorwa w’Umurenge
.Ushinzwe Uburezi mu Murenge
.Inzego z’umutekano
Raporo rusange y’isuzuma ry’imikorere y’abayobozi b’amashuri 2025
INTANGIRIRO
Iyi raporo igaragaza isuzuma ryimbitse ry’imikorere y’abayobozi b’amashuri mu mwaka wa 2025.
Ibyiciro by’isuzuma
1.Isuzuma ryakorewe ku rwego rw’Akarere
2.Isuzuma ryakorewe ku rwego rw’Igihugu
Ibiranga isuzuma ku rwego rw’Akarere
Isuzuma ryakozwe hashingiwe ku bipimo by’imikorere byashyiriweho abayobozi b’amashuri.
Urwego rwa kabiri: Urwego rw’Igihugu
Urwego rw’igihugu rwakusanyije kandi rusohora ibyavuye mu turere twose.
Ibyo buri rwego rwasuzumye
Ibipimo byasuzumwe ku rwego rw’Akarere
Isuzuma ryakozwe n’Akarere ryibanze ku bipimo by’imikorere bikurikira:
.Kuboneka k’umuyobozi w’ishuri ku ishuri
.Ukwitangira akazi (Ubufatanye n’umuhate mu kazi)
.Ubumwe n’ubunyangamugayo (Integrity)
.Imyitwarire rusange (Discipline) y’umuyobozi w’ishuri
.Imikorere ugereranyije n’ibipimo 5 by’imiyoborere inoze y’abayobozi b’amashuri, hakoreshejwe igikoresho cyo gupima imiyoborere y’amashuri (School Leadership Assessment Toolkit).
Urwego rwa 2: Urwego rw’Igihugu
Minisiteri y’Uburezi ibinyujije muri: REB, RTB na NESA yasuye kandi isuzuma ibipimo bikurikira:
.Ikizamini cy’imiyoborere inoze y’amashuri gifite agaciro ka 10%
.Ikizamini kigaragaza urwego rw’ubumenyi mu rurimi rw’Icyongereza gifite agaciro ka 10%
.Imikorere y’ishuri mu bizamini bya Leta byateguwe na NESA ifite agaciro ka 20%
.Ubugenzuzi bukorwa na NESA bufite agaciro ka 10%
Ibisobanuro bigufi
Isuzuma ryarebeye hamwe ibyiciro bitandukanye by’imikorere n’ubuyobozi.
Amashuri umunani ntiyagaragaje amanota y’ibizamini bya Leta kuko atari afite abanyeshuri bakoze ibyo bizamini.
1.TUBITEHO Day Care Gahanga Kicukiro
2.HVP GATAGARA Gikondo Kicukiro
3.ECDF CENTER KARAMA Kigali Nyarugenge
4.CEAPS RUHENGERI Muhoza Musanze
5.EP Shalita Rweru Bugesera
6.EPNY ABISINDU Musha Rwamagana
7.EP AMIZERO Gikondo Kicukiro
8.ISHEMA PRIMARY SCHOOL Karama Huye
Uko amanota y’isuzuma yashyizwe ku gipimo:
Isuzumwa ry’Akarere: 50%
Ikizamini cy’ubumenyi mu rurimi rw’Icyongereza: 10%
Ikizamini cy’ubuyobozi bw’ishuri: 10%
Isuzuma rya NESA: 10%
Imikorere y’ishuri mu bizamini bya Leta mu gihe cy’imyaka itatu: 20%
Abayobozi b’amashuri bapimwe ku manota 100, abayobozi bungirije bapimwa ku manota 90 (amanota ya NESA akoreshwa gusa ku bayobozi b’amashuri).
Amashuri umunani ari hejuru ataragize abanyeshuri bakoze ibizamini bya Leta (abakandida) yapimwe ku manota 80.
Abayobozi bungirije b’amashuri TUBITEHO Day Care na HVP GATAGARA bapimwe ku manota 70, kuko amanota ya NESA atabareba kandi amashuri yabo nta banyeshuri bakoze ibizamini bya Leta yagize.
URUTONDE RW’AMANOTA N’UBURYO ABAYOBOZI BAGENZUWE
Umubare w’abasuzumwe: 5,205
Impuzandengo y’amanota: 76.1%
Amanota y’impuzandengo hakurikijwe igitsina:
Abayobozi b’abagore: 26.6% (1,385) Amanota y’impuzandengo: 76.7%
Abayobozi b’abagabo: 73.4% (3,820) Amanota y’impuzandengo: 75.9%
Abagabo bagaragaje itandukaniro rinini ry’amanota (hagati ya 32.4%–92.3%) ugereranyije n’abagore (45.4%–90.5%).
Inshamake rusange
.Abujuje ibisabwa: 1626
.Abujuje ibisabwa mu buryo butuzuye: 2693
.Abakeneye kunoza imikorere: 743
.Abatari ku rwego: 143
Imikorere hashingiwe ku byiciro
Amanota y’impuzandengo hakurikijwe imyanya y’ubuyobozi n’ibyiciro by’imyitwarire yitezweho.
Uturere turi imbere mu manota:
Nyamasheke (81.1%)
Kirehe (81.0%)
Rwamagana (79.2%)
Kayonza (78.5%)
Ruhango (78.4%)
Uturere turi inyuma mu manota:
Ngororero (67.8%)
Huye (70.0%)
Gatsibo (70.2%)
Rulindo (72.4%)
Rubavu (72.4%)
Ibyavuye mu isuzuma muri rusange
31% (1,626 muri 5,205) bujuje ibisabwa (amanota ari hagati ya 80%–100%)
52% bujuje igice cy’ibisabwa (70%–79%)
14% (743) bakeneye kunozwa (60%–69%)
2.7% ntibageze ku rwego rukwiriye (munsi ya 60%)
Icyitonderwa: Abayobozi b’amashuri yisumbuye ni bo bafite umubare munini w’abujuje ibisabwa (596).
IBIKURIKIRA UYU MUSARURO
.Gukomeza kongera ubushobozi bw’abayobozi b’amashuri, guteza imbere ubuyobozi bufite ireme, no gushyiraho uburyo buhoraho bwo gukurikirana imikorere.
. Guhindura inshingano z’abayobozi b’amashuri bakavanwa ku buyobozi bakajya kwigisha.
. Kwimura abayobozi b’amashuri hashingiwe ku manota yavuye mu isuzuma.
. Kwimura abayobozi b’amashuri bamaze imyaka 5 kuzamura bari ku kigo kimwe.
Amakurugera ku Umurunga avuga ko iri suzuma rigiye gukomereza ku barimu.
