Abarimu barenga ibihumbi 12 ni bo bazahabwa akazi mu mashuri abanza n’ayisumbuye mu mwaka w’amashuri wa 2022/2023.

0

Abarimu barenga ibihumbi 12 ni bo bazahabwa akazi mu mashuri abanza n’ayisumbuye mu mwaka w’amashuri wa 2022/2023.

Leta y’u Rwanda ibinyujije mu Kigo cy’Igihugu Gishinzwe Guteza Imbere Uburezi bw’Ibanze (REB), irateganya guha akazi abarimu bagera ku bihumbi 12 bo mu mashuri abanza n’ayisumbuye.

Iyi gahunda igamije kurushaho kuzamura umwuga w’ubwarimu, ihiganwa mu mashuri aho byitezwe ko bizatanga impinduka ku ireme ry’uburezi ritangwa.

Abo barimu bazatoranywa mu bakoze ibizamini by’akazi hagati muri uku kwezi kwa Nyakanga ahari hashyizweho site zigera kuri 24 hirya no hino mu gihugu.

Abazagira amanota meza bazoherezwa mu mashuri ya Leta n’afatanya na yo mu byiciro by’abanza n’ayisumbuye.

Umuyobozi w’Ishami rishinzwe Imicungire y’Abarimu muri REB, Léon Mugenzi, yabwiye The Newtimes ko gushyira mu myanya abarimu bashoboye ari uburyo bwo kuvugurura ireme ry’uburezi.

Abarimu bagera ku 18.271 ni bo bakoze ikizamini cyanditse hifashishijwe ikoranabuhanga. Abagera ku 13.670 baragitsinze ariko imyanya y’akazi iri hirya no hino mu turere mu mwaka w’amashuri wa 2022/2023 ni 12.536 yonyine.

Abatsinze bazinjira mu kazi mu mwaka w’amashuri uzatangira muri Nzeri uyu mwaka.

Abarimu barenga ibihumbi 12 ni bo bazahabwa akazi mu mwaka w’amashuri wa 2022/2023

Share This